「張開眼睛愛劉德華」選舉

劉德華昨日到電台接受訪問，主持為華仔舉辦一個「張開眼睛愛劉德華」選舉，得出結果最多人喜愛華仔的性格、身材、靚仔、內涵和雙眼，可是華仔卻自嘲：「以前被人叫靚仔，現在被稱為靚佬。以前好多人讚我身材好，但塊面就過瘦，所以我為塊面增肥，但身材再無6嚿腹肌。」華仔笑言正尋找良方，希望做到面部肥，又可保持至6嚿腹肌。 華仔續說：「我唔多覺人話我靚仔，反而《金像獎》之後多人話我演技好，輸之後特別多人讚我！」

華仔近期未接新戲，有指他會接拍爾冬陞執導的《毒網》，華仔說﹕「正在斟洽階段，毒販、毒販駁腳、隱君子、警察和警察卧底角色任我選擇﹔我不介意演什麼角色，也不怕飾演毒販會影響形象，因為只是拍戲，就如石堅拍戲做『奸人堅』，但人人都知他好人啦﹗」問及會否介意飾演癮君子？他說：「點解唔做呀？但到時咪要再瘦先似？」